ОУДС-д ажиллах нь
ОУДС нь ашгийн бус байгуулга бөгөөд СӨБ-12 дугаар анги хүртэл англи хэлний сургалттай олон улсын сургууль юм. ОУДС нь Бага (PYP), Дунд (MYP), Дипломын (DP) Олон Улсын Бакалавриат (IB)-ын хөтөлбөрийг хэрэгжүүлдэг Монголын цорын ганц сургууль юм. Мөн бид Монгол, Хятадын Олон Улсын Сургуулиудын Холбоо (ACAMIS)-г үүсгэн байгуулагч гишүүн бөгөөд Зүүн Азийн Бүсийн Сургуулиудын Зөвлөл (EARCOS)-ийн идэвхтэй гишүүн юм.
ОУДС-ийн багш нар сургуулийнхаа алсын хараа, эрхэм зорилгыг бүрэн дэмжиж ажилладаг. Хувь хүний хөгжил, зөв зохистой харилцаа нь хүүхдийн сурлагын амжилттай салшгүй холбоотой гэж үздэг. Манай багш нар сургалтын арга зүйг бүрэн эзэмшсэн, дадлага туршлагатай бөгөөд сурагч бүрийг хувь хүн болгон төлөвшүүлэхийн төлөө ажилладаг. Төрөлх бус англи хэлтэй сурагчдаа бүрэн дэмжин (EAL) тэдний амжилттай суралцах нөхцөл бололцоог бүрэн хангаж дэмжин ажилладаг. ОУДС-ийн багш нар дадлага туршлагадаа тулгуурлан багш, сурагч, эцэг эхтэй хамтран урам зоригтой ажиллаж, мэргэжлийн ур чадвар заах арга зүйгээ тогтмол дээшлүүлдэг. Багш нар сургалтын үр өгөөжийг нэмэгдүүлэхийн тулд технологийн дэвшлийг нэвтрүүлэн ашигладаг.
"ОУДС-д ажиллах нь миний хувьд амьдралыг минь өөрчилсөн. Ажлын орчноосоо сорилт, боломжууд, өсөлт хөгжилтийг олж авдаг байна гэдэг хамгийн чухал."
Жеффри Коопс
Атлетик болон Усан Спорт Хариуцсан Захирал
"ОУДС яг л миний төсөөлж найдаж байсан бүхэн маань биелсэн газар. Сурагчид маань найрсаг, сониуч, ажлын өдөр бүрийг таатай болгодог. Мөн ОУДС нь мэргэжлийн дагуу суралцах, дүгнэлт хийх болон өсөлт хөгжилт явагддаг байгууллагын орчин, соёлтой. Би энэ сургуулийн багш ажилчид, сурагчидтай хамт хувь хүний суралцахуйн аян хийж байгаадаа бахархаж явдаг."
Жеанн Пилокин
Бага Сургуулийн Хөтөлбөрийн Координатор
"Ажлын үр дүнг уламжлалт ажиглах/ үнэлж дүгнэх хэлбэрээр бус мэргэжилдээ хэрхэн өсч хөгжиж байгаагаар хэмждэг. Энэ нь удирдлагын баг нь ажилтнаа мэргэжилтэн гэж харж байгаа мэдрэмжийг төрүүлж, надад хүндлэл, өөртөө итгэх итгэлийг өгдөг."
Maрк Нүүнан
Ахлах, Дунд ангийн Математикийн Багш
" ОУДС нь зах хязгаарт баригдалгүйгээр урлагт суралцдаг газар бөгөөд бяцхан сурагчдынхаа өсөлт, хөгжилтийн гэрч болж байдаг маань нэр төрийн хэрэг юм. Тэдний суралцахуйн аянд оролцож байгаа маань надад урам зориг өгдөг."
Агниеска Сюлек
Бага Сургуулийн Дүрслэх Урлагийн Багш
"ОУДС нь жижигхэн боловч бие биеэ их дэмждэг хамт олон. Мөн найзалж нөхөрлөх хэн нэгнийг олоход амархан. Багш нар, сурагчид, удирдлагын хүндлэл, бусдыгаа ойлгож хүлээн зөвшөөрөх нь бидний баримталдаг гол зарчмуудын нэг хэсэг учраас ажиллахад таатай байдаг."
Анужа Ахужа
Ахлах, Дунд ангийн ШУ-ны Багш
"ОУДС нь нэгэн цул хамт олон гэх мэдрэмж болон багш ажилчид сурагчдын нэгдмэл зорилгыг дэмждэг. Бид дэлхийн өнцөг булан бүрээс ирсэн өөр өөр хувь хүмүүс боловч сурагчиддаа боломжит хамгийн сайн боловсрол олгохын тулд нэгдэн нийлж хамтран ажиллаж байгаа хамт олон юм."
Бернарда Магалхайс
Ахлах, Дунд ангийн Англи Хэл, Уран Зохиолын Багш
"Олон сургуулиуд хамт олныхоо нэгдмэл хүчирхэг байдлыг магтдаг. Харин ОУДС-ын уриа - Тулгын 3 Чулуу -ны нэг нь Хамт Олон Зүрхэнд гэдэг нь үнэхээр бодит."
Дэйв Гэйтс
Дунд Сургуулийн Хөтөлбөр Зохицуулагч,
Дунд ангийн Дизайн Технологийн Багш
"Илүү сайн багш байх гэж хичээдэг хүчин чармайлтыг маань ОУДС дэмжиж, мэргэжил чадвар дээшлүүлэх олон сургалтад хамруулдаг нь маш их урам өгдөг."
Жефф Фишер
Дунд ангийн Биеийн Тамирын Багш,
Олон Нийт - Үйлчлэлийн Хөтөлбөр Зохицуулагч
"Чадварлаг багш сурагчид, ажилчдаар дүүрэн ОУДС-ийн хамт олны нэг гэж тооцогддогтоо би их бахархдаг. Сургалтын хэрэглэгдэхүүн, нөөц бололцоо маш сайн. Ажлын дараа гэр лүүгээ явахаас өмнө усан бассейн, фитнес өрөөг ашигладаг."
Жоселин Перут
Франц хэлний Багш,
Дунд Сургуулийн Хэлний Сургалтын Ахлагч,
Дэлхийн Иргэншлийн Хөтөлбөр Зохицуулагч
"Монгол Улс бол эрс тэс зүйл ихтэй, туршиж үзэх, хийх юм ихтэй орон. Багшлах болон амьдралын олон сайхан туршлага олж авдаг нь энэ оронд олон жил ажиллаж амьдрах шалтгаануудын нэг юм."
Стона Мандик
Бага Сургуулийн Багш
"ОУДС-д ажиллах нь сонирхолтой мөн урамтай. Сурган хүмүүжүүлэгчийн хувьд суралцах, эрсдэл гаргах, өөрийн онцгой чадварыг нээх боломжийг олгодог газар."
Уильям Полан
Бага Сургуулийн Багш
АЖИЛТНЫГ ШАЛГАХ, ХҮҮХЭД ХАМГААЛАЛ
ОУДС нь сурагчдынхаа сайн сайхны төлөө тууштай ажилладаг. ОУДС нь хүүхэд хамгаалалын зорилгоор шинээр ажилд орж байгаа бүх багш, ажилчдын хувийн намтар, ажлын газрын тодорхойлолт, цагдаагийн газрын тодорхойлолтыг шалган баталгаажуулдаг.
